Thursday, July 30, 2009

గడప


తలుపు ముందు రాత్రనకపగలనక
కుక్కలా కాపలా కాస్తావు..
ఎవరికోసమో ఆబగా ఎదురు చూస్తావు..

ఎవరో నీ ముఖాన పులిమిన
పసుపు మరక తప్ప.. నీకస్థిత్వమేది?
వాళ్ళ కాళ్ళు తుడిచేందుకు నీతలన
వేసిన చెంగు తప్ప నీదైనదేది?

ప్రతి వాడూ దాటి పైకెళ్ళేవాడే
విలాసంగా దిగి తన దారి పట్టేవాడే
ఆగినా.. ఎవరన్నా... అది తొక్కేందుకే!

నిన్ను చూస్తే నన్నద్దంలో చూసినట్లుంది
తేడా ఒకటే, గడపవి గద? భావాలుండవు!
నీ ముఖాన పసుపుమరకలు,
నాకు నీటి చారలు !!