చక్రం

అలసిన బండి
ఆగ మంటుంది
చాలిక సాగనంటుంది

ఆగిందే తడవు
వద్దని వదిలిన గమ్యాలకు
పరుగులిడుతుంది.

కదలి పోతుంది
తడిసిపోతుంది
తిరిగి అలసి పోతుంది

బరువుగా మరో ఉదయం
మేలుకుంటుంది
అలసే వరకు తిరిగి
సాగిపోతుంది.

ఎప్పుడవుతాయో !?

రెప్ప క్రింద

గులాబీ వనంలో

రాలిపడినవీ..

పారుతున్న ఏటి ధారల్లో

ఏరుకున్నవీ..

మెళుకువ మాటున

కీచురాళ్ళు పాడినవీ..

నిట్టూర్పుల వేడికి కరిగి

తెల్ల కాగితంపై మరకలవుతున్నాయి..

ఎటుచూసినా పదాలే..

ఇవి కవిత లెప్పుడవుతాయో !!?