Saturday, January 31, 2009

ఏమని చెప్పను

వెదురు గుండెకు గాయం చేసి వేణువులా మోగ మనే
తిరిగి బ్రతికిన జ్ఞాపకానికి ఏమని చెప్పను

గుండె గుంటలో బండను తోసి అలల కోసం
కలల కొమ్మపై కాపేసిన కాలానికి ఏమని చెప్పను

గుండె మంటలొ గతాన్ని పోసి రగిలే సెగలో చలికాచుకునే
విగత క్షణాలకు ఏమని చెప్పను

విధి గీసిన చీకటి దారుల్లో వేదన మంటలే ఆశ్రయమిస్తే
అవీ ఆర్పిన కంటి జల్లులకేమని చెప్పను

4 comments:

  1. గుండె మంటలొ గతాన్ని పోసి రగిలే సెగలో చలికాచుకునే
    విగత క్షణాలకు ఏమని చెప్పను

    adbutamaina expression

    ReplyDelete
  2. ఆత్రేయగారూ నమస్కారమండీ...:) మీ కవితలు అద్భుతంగా ఉంటున్నాయి.

    మనసు మాటున దాగిన మాటలను పాటగ
    పాడగల మీ ప్రతిభను ఏమని పొగడ గలను..?

    ReplyDelete
  3. బొల్లోజు బాబా గారు చెప్పినట్లు లోతైన భావాలు. కవితలో వేదన బాగున్నా ఇంతగా ఆవేదన పడటం చిత్రమే..full Expression!!

    ReplyDelete
  4. బాబా గారికి, ప్రేమికుడు గారికి, పృధ్వీ గారికి ధన్యవాదాలు

    ReplyDelete