తెలుగు కందం ఆంగ్లానికద్దితే ?

తెలుగు కందం ఆంగ్లానికద్దితే

అంతే అందం అబ్బుతుందోచ్‌ !!!

మాన్యులు తప్పులుంటే మన్నించగలరు,

కం:

ఫర్‌ సింపుల్‌ హాపీనెస్‌

బి ఇట్‌ యువర్స్‌ ఆర్‌ అథర్స్‌ డుగుడ్‌ ఓన్లీ

థిస్‌ సింపుల్‌ ఏక్ట్‌ విల్‌

డెఫినెట్‌లీ చేంజి వరల్డ్‌ ఫర్‌ గుడ్‌ స్లోలీ !!

for simple happyness

be it yours or others do good only

this simple act will

definitely change world for good slowly

ఇది ఏ పద్యమో తెలీదు కానీ

ఫ్లోలో వస్తే రాసి సద్దుకుపోయా

కందంబబ్బెను నాకని

అందంగా మాట చెప్ప ఆంగ్లము నైనన్‌

పొందిగ్గా రాయగల్గితి

చిందుల్నిక వేసినాను నైబర్లు అర్వన్‌

ఏకశ్లోకి నా జీవితం

ఆదౌ అల్మరు క్లాకు కూత వినడం కాఫీకై కూర్చోవడం

టీవీలోదూరడం ఖరాబు కనడం టైమెంతొ చూస్కోవడం

దేశాన్నితిట్టడం బ్రష్షేసి తోమడం బస్సుకై కాపేయడం

ఆఫీసు హస్కు ఐదైతె ఆపేయడం ఏతద్దినాజీవనం

రసాస్వాదనాలింగనాల్లో ముంచవా ?

నిను చూడగానే...

అప్పటిదాక లేని ప్రాణం లేచి పరుగెట్టి వచ్చింది

ఈడ్చినా రాని కాళ్ళు నింగిలోకెగిరేసి నీకాడ నిలిచాయి

సగం చచ్చిన కళ్ళు ప్రాణాలు పూశాయి

ఆలింగనాలకై ఒళ్ళు పరవళ్ళు తొక్కింది

నిను చేరగానే...

ఒక పాలు చలి నేడు ఎక్కువయ్యిందేమో

అటుచూడు నీ నోరు పొగలు గక్కేస్తోంది

నిషాల్ని నింపేటి నీ ఒంటి ఆ తావి

కైపుల్ని రేపుతూ గుండెల్లో గిలిపెట్టె

ఈరోజు నీ మధువు నేగ్రోలనున్నాను

ఈనాడు నాగెలుపు తధ్యమే చిన్నారి

పొంగుల్ని తగ్గించి నా మాట మన్నించి

వలువల్ని విడిచేసి గుండెల్లో మఠమేసి

రసాస్వాదనాలింగనాల్లోన నేడు

ముంచవా

.

.

.

.

.

.

కాఫీ !!

దారి చూపు

అలిగిన చెలి కన్నుల మంటలోర్చగ వచ్చు

విరిగిన తన పల్కుల ముత్యాలేరగ వచ్చు

బిగిసిన నులి పెదవులు తంటాలు తెచ్చిపెట్టె

ఇరువురు సతులతో నెగ్గిన ఈశా దారి చూపు?